عىلىمي كونفەرەنتسياعا رەسپۋبليكالىق فەرمەرلەر وداعىنىڭ توراعاسى اۋەزحان ءدارىنوۆ, «اتامەكەن» كاسىپكەرلەر پالاتاسىنىڭ وبلىستىق فيليالىنىڭ ديرەكتورى اسقار ابۋباكيروۆ پەن ءوڭىردىڭ بارلىق اۋداندارىنان 600-گە جۋىق فەرمەرلەر قاتىستى. جيىن بارىسىندا فەرمەرلەر وزدەرىنىڭ تالاپ-تىلەكتەرى مەن ۇسىنىستارىن جەتكىزدى.
ماسەلەن, سارىعاشتىق فەرمەرلەر جانار-جاعارماي باعاسىنىڭ كۇن ساناپ شارىقتاپ بارا جاتقاندىعىن ايتسا, ماقتارالدىق ديقاندار باقشا داقىلدارىنا دا سۋبسيديا بەرىلسە دەگەن ۇسىنىستارىن جەتكىزدى. ال تۇركىستاندىق شاراۋالار اگرو سالانى قارجىلاي قولدايتىن «اگروبانك» قۇرىلعانىن قالايدى. كونفەرەنتسيادا ايتىلعان بارلىق ۇسىنىستار فەرمەرلەر وداعىندا ساراپتالىپ, جاۋاپتى مەملەكەتتىك ورگاندارعا حاتپەن جولداناتىن بولادى.
شارا سوڭىندا اگروونەركاسىپ كەشەنىن دامىتۋدا بەلسەندىلىك تانىتىپ, ەسەلى ەڭبەگىمەن كوزگە تۇسكەن ءوڭىر فەرمەرلەرى اۋىل شارۋاشىلىعى مينيسترلىگىنىڭ «اۋىل شارۋاشىلىعى سالاسىنىڭ ۇزدىگى» ءتوس بەلگىسىمەن جانە قۇرمەت گراموتاسىمەن ماراپاتتالدى. ايتا كەتەلىك, بۇگىندە فەرمەرلەر وداعىنىڭ ەلىمىزدىڭ 8 وبلىسىندا فيليالدارى مەن 5 وبلىسىندا وكىلدىكتەرى جۇمىس ىستەيدى. وداققا 10 مىڭنان استام فەرمەرلەر بىرىككەن.
عالىمجان ەلشىباي,
«ەگەمەن قازاقستان»
